სამართალი

თუ „საია“ თვეების განმავლობაში ისაუბრებს მხოლოდ პოზიტიურ თემებზე, საზოგადოებას სასამართლოს მიმართ სხვა განწყობა გაუჩდება- ლევან მურუსიძე

იუსტიციის უმაღლესი საბჭოს მდივნის ლევან მურუსიძის განცხადებით,თუ მედიაში მუდმივად იქნება სასამართლოს მიერ მიღებული გადაწყვეტილებების დისკრედიტაცია, საზოგადოებაში განცდა გაჩნდება, რომ რაღაცა არასწორად კეთდება.

ამასთან, მურუსიძემ აღნიშნა, რომ თუ, მაგალითად, „საია“ თვეების განმავლობაში ისაუბრებს მხოლოდ დადებით საკითხებზე, საზოგადოებას განსხვავებული დამოკიდებულება გაუჩნდება სასამართლოს მიმართ.

„გააჩნია გადაყწვეტილებას როგორ მივაწვდით საზოგადოებას. შეიძლება გადაწყვეტილება იყოს აბსოლუტურად კანონიერი, მაგრამ თუ მუდმივად იქნება ამ გადაწყვეტილების დისკრედიტაცია, საზოგადოებას გაუჩნდება შთაბეჭდილება, რომ მოსამართლემ არ მიიღო სწორი გადაწყვეტილება.

ბუნებრივია, რომ სასამართლოს თავისი გადაცდომები აქვს, მაგრამ მოდით, დავეხმაროთ და დავუდგეთ სასამართლო სისტემას გვერდში. თუ მოსამართლე იღებს რამე გადაწყვეტილებას - რაღაც ფორმაზე უნდა შევთანხმდეთ. თუ მუდმივად ტელევიზიაში მიმდინარეობს იმაზე მსჯელობა, რომ ეს არის ცუდი, ეს არის ცუდი მთელი თვეების განმავლობაში - საზოგადოებას შეექმნება შთაბეჭდილება, რომ მართლა რაღაც ცუდი ხდება. თუ ვთქვათ ისეთი ავტორიტეტული ორგანიზაცია, როგორიც არის „საია“ რამდენიმე თვის განმავლობაში ილაპარაკებს მხოლოდ პოზიტიურ თემებზე რაც მიმდინარეობს სასამართლოში-მერწმუნეთ, საზოგადოებას განსხვავებული განცდა ექნება სასამართლოს მიმართ“,-აღნიშნა მურუსიძემ.

მონიკა დავლიანიძე