სამართალი

თუ მოსამართლე არ მიიღებს მამა გიორგის მიმართ გამამართლებელ განაჩენს, ეს იქნება ჩვენი ქვეყნის სირცხვილი - მიხეილ რამიშვილი

ე.წ ციანიდის საქმის ადვოკატებმა სასამართლოში დასკნითი სიტყვა წარმოთქვეს.

როგორც ჟურნალისტებს ბრალდებულის ,მამა გიორგი მამალაძის ადვოკატმა მიხეილ რამიშვილმა განუცხადა, ყველა ადვოკატმა საკუთარ სიტყვაში მოახსენა მოსამართლეს, თუ რამდენად არაბუნებრივ საქმესთან აქვს შეხება.

ადვოკატის მტკიცებით, ბრალდებულს ციანიდი „ჩაუდეს“.

„ნიუანსები იყო, კონკრეტულად იდო ყველაფერი, დასკვნითი თვალსაზრისით შეფასებული იყო ყველა ის ჩვენებები, მტკიცებულებები, რომლებიც არანაირად არ ასაბუთებდა დაკავებულის ბრალს.

პირდაპირ შემიძლია გითხრათ, აღნიშნული ციანიდი მამა გიორგის „ჩაუდეს“. ეს აღმოჩნდა მას შემდეგ, რაც ბარგის შესამოწმებლად დასჭირდათ 9 საათი, მიიღეს შესაბამისი მითითებები, თუ რა და როგორ უნდა ემოქმედათ, ამის შემდეგ აღმოაჩინეს.

აქედან გამომდინარე ჩვენ სრულყოფილად ვისაუბრეთ იმ დასკვნაზე, რომ წაყენებული ბრალდება უსაფუძვლოა და იმედი მაქვს, რომ მოსამართლე იქნება მართლა დამოუკიდებელი, მართლა სამართლიანი, მართლა ობიექტური და მიიღებს მამა გიორგის მიმართ გამამართლებელ განაჩენს. წინააღმდეგ შემთხვევაში შემიძლია გითხრათ, ეს იქნება ჩვენი ქვეყნის სირცხვილი, ჩვენი მართლმსაჯულების კატასტროფა“,- აღნიშნა მიხეილ რამიშვილმა.

მონიკა დავლიანიძე