პოლიტიკა

წინასაარჩევნოდ მიხეილ სააკაშვილზე საუბარი ხელისუფლების სპეკულაცია და პოლიტიკური ქულების ჩაწერის მცდელობაა - ირმა ინაშვილი

„პატრიოტთა ალიანსის“ ერთ-ერთი ლიდერის, ირმა ინაშვილის განცხადებით, საქართველოს ყოფილი პრეზიდენტისა და ოდესის ყოფილი გუბერნატორის, მიხეილ სააკაშვილის ექსტრადირების თემის წამოწევა წინასაარჩევნოდ ხელისუფლების სპეკულაციას წარმოადგენს.

„წინასაარჩევნოდ მიხეილ სააკაშვილისა და ზურაბ ადეიშვილის ჩამოყვანაზე საუბარი არის მხოლოდ სპეკულაცია და პოლიტიკური ქულების ჩაწერის მცდელობა ხელისუფლების მხრიდან, რომ შექმნას ემოცია მოსახლეობაში და შექმნას მოლოდინი, თითქოს სადღაც, რაღაც ხდება“, - განაცხადა ინაშვილმა დღევანდელ პრესკონფერენციაზე.

ინაშვილმა აღნიშნა, რომ მიხეილ სააკაშვილის დაკავებასა და ჩამოყვანას ხელისუფლების პოლიტიკური ნება სჭირდება.

„მე რომ ვყოფილიყავი ხელისუფლებაში, სააკაშვილს დიდი ხანია, ჩამოვიყვანდი საქართველოში, ზუსტად ისე, როგორც ფაშისტები იღვიძებდნენ იერუსალიმის სასამართლოში. ამის გაკეთებას მხოლოდ პოლიტიკური ნება სჭირდება, რათა ყველა პატრიოტს, სპეცსამსახურის თანამშრომელს მიეცეს კონკრეტული დავალება“, -თქვა ინაშვილმა.

ანა მებურიშვილი