სამართალი

ციანიდი მამა გიორგის თავის ჩანთაში თავისი ხელით არც ჩაუდია - ადვოკატი

ციანიდი მამა გიორგის თავის ჩანთაში თავისი ხელით არც ჩაუდია, - განუცხადა ჟურნალისტებს დეკანოზ გიორგი მამალაძის ადვოკატმა, მიხეილ რამიშვილმა.

მისი თქმით, დაცვის მხარე შეეცდება თავისი სიმართლის დამტკიცებას, პროკურატურამ კი საკუთარი მტკიცებულებები უნდა წარადგინოს.

ადვოკატის ინფორმაციითვე, მისი დაცვის ქვეშ მყოფი, მისი ოჯახის წევრების უსაფრთხოების უზრუნველყოფამდე, გარკვეულ კითხვებზე პასუხისგან თავს იკავებს.

„ძალიან ბევრი ისეთი კითხვა დაისვა, რაზეც მამა გიორგიმ კატეგორიულად განაცხადა, რომ კითხვებზე პასუხი გაეცემა იმის შემდეგ, როდესაც მისი ოჯახის წევრები იქნებიან დაცვით უზრუნველყოფილი. ამის თაობაზე ჩვენ დღეს მივმართავთ პროკურატურას, დავუსაბუთებთ, თუ რის საფუძველზე უნდა მოხდეს და რატომ ითხოვს მამა გიოგი თავისი ოჯახის წევრების დაცვის უზრუნველყოფას“, - განაცხადა რამიშვილმა.

ნინო ექვთიმიშვილი