სამართალი

ცენტრ პოინტში კომპანია „იქს2“-ის შემოსვლა 2012 წლიდან ანონსდება, როგორ შეიძლება ვენდოთ რჩეულშვილებს - დაზარალებული

სამშენებლო კომპანია „ცენტრ პოინტის““ ბათუმის მაგნოლიის“ ეპიზოდზე მორიგი სასამართლო სხდომა დღეს ადვოკატის გამოუცხადებლობის გამო გადაიდო.

პროცესის გადადება ადვოკატებმა მოითხოვეს. რჩეულიშვილების ოჯახის ადვოკატმა ქეთი ჩომახაშვილმა, სასამართლოში გააგზავნა ცნობა ჯანმრთელობის მდგომარეობის შესახებ.

ამასთაn, როგორც რჩეულიშვილების ოჯახის ადვოკატმა მარინა ჯიხაშვილმა განაცხადა, პროკურატურის წინადადება საპროცესო გარიგებასთან დაკავშირებით - ულტიმატუმის შინაარს შეიცავდა.

მისი თქმით, ამ ეტაპზე, როცა რჩეულშვილების ოჯახის ქონება დაყადაღებულია და მას ფინანსური ვალდებულებების უზრუნველსაყოფად ვერ გამოიყენებ, აღებული ვალდებულებების შესრულება შეუძლებელია, რასაც პროკურატურა ითხოვს.

„გარიგება, ვიცით რომ არის ორივე მხარის ნების შედეგი და ასეთი რამ არ მომხდარა. ეს ულტიმატუმის შინაარსი იყო, რომ დაასრულეთ ვალდებულება და მერე ვილაპარაკებთ ყველაფერზე. დასრულებისთვის იცით ძირითადი ფინანსური წყარო უნდა გქონდეს, ან საბანკო რესურსი მოიზიდო. პროკურატურის მიერ გამოყენებულ იქნა უმკაცრესი ზომა, დაყადაღებულ იქნა ყველა აქტივი, რომელიც უზრუნველყოფის საშუალებად შეიძლება ყოფილიყო გამოყენებული“,- აღნიშნა ადვოკატმა.

საქმის პროკურორმა დავით გუმბერიძემ კიდევ ერთხელ დაადასტურა, რომ ბრალდების მხარე ბრალდებულებთან საპროცესო შეთანხმებას მხოლოდ 6 ათასი დაზარალებულის დაკმაყოფილების შედეგ გააფორმებს.

რაც შეეხება რჩეულშვილების განცხადებას, რომ არსებობს ინვესტორი რომელიც მზად არის გააგრძელოს ცენტრ პოინტის შეჩერებული მშნებელობა, ერთ-ერთი დაზარალებულის ირმა თხელიძის თქმით, აღნიშნული კომპანიის შემოსვლა 2012 წლიდან ანონსდება, თუმცა დღემდე არ მომხდარა.

მისივე თქმით, კომპანია „იქს 2“-ში თითქმის ყველა ის ადამიანი მუშაობს, ვინც ცენტრ პოინტის თანამშრომელი იყო.

„საპროცესო შეთანხმებასთან დაკავშირებით გვაქვს უარყოფითი პოზიცია იქიდან გამომდინარე, რომ არანაირი ნდობა არ გაგვაჩნია. კომპანია რომელზეც არის საუბარი, რომელიც თითქოს ინვესტორის სახით შემოყავთ “X2”-ია ამ კომპანიაში მუშაობენ თითქმის ყველა ის თანამშრომელი, რომელიც ცენტრ პოინტში მუშაობდა წლების განმავლობაში. 2012 წლიდან მოყოლებული გვეუბნებიან რომ შემოდიან და აქამდე არ შემოსულან. რის საფუძველზე უნდა ვენდოთ ჩვენ ამ ხალხს?!“,-აღნიშნა დაზარალებულმა.

მონიკა დავლიანიძე