სამართალი

„ცენტრ პოინტის“ საქმეზე მოსამართლე გადაწყვეტილებას 31 მარტს გამოაცხადებს

სამშენებლო კომპანია „ცენტრ-პოინტის“ საქმეზე მოსამართლე გადაწყვეტილებას 31 მარტს გამოაცხადებს.

ამის შესახებ დღევანდელ სასამართლოს სხდომაზე გახდა ცნობილი.

კომპანიის ერთ-ერთმა დამფუძნებელმა რუსუდან კერვალიშვილმა განაცხადა, ყველა განაჩენი, რომელსაც სასამართლო გამოიტანს, სამართლიანი იქნება.

„ჩვენ ვინმეს მოტყუების განზრახვა არ გვქონია. ვემსახურებით საქართველოს. მზად ვართ ყველაფერი გავიზიაროთ. ჩვენი მიზანი იყო და იქნება იმ ადამიანების დაკმაყოფილება, რომლებიც ბედით ჩვენთან არიან დაკავშირებული. მეტი სხვა მიზანი ჩვენ არ გაგვაჩნდა და არ გაგვაჩნია. ბოდიში მინდა მოვუხადო ადამიანებს, რომლებიც ჩვენთან ურთიერთობაში დაზარალდნენ“, - განაცხადა სხდომაზე რუსუდან კერვალიშვილმა.

მაია რჩეულიშვილის ადვოკატის, მარიამ ცუცქირიძის განცხადებით, თუ ცენტრ პოინტის საქმე პოლიტიზირებული არ არის, მაშინ, მოსამართლემ გამამრთლებელი გადაწყვეტილება უნდა მიიღოს.

„თუ ეს არ არის პოლიტიკური პროცესი მაშინ უნდა გამოვიდეს ის განაჩენი რასაც ჩვენ ველოდებით. თუ გამოვიდა გამამატყუნებელი განაჩენი და მთლიანად რჩეულიშვილების ოჯახი ჩასვეს ციხეში, მაშინ კიდევ ერთი დასტური იქნება, რომ ეს არის პოლიტიკური პროცესი და პირადი ანგარიშსწორება“,-აღნიშნა ადვოკატმა.

საქმის პროკურორი დავით გუმბერიძე კი დარწმუნებულია, რომ „მოწმეთა ჩვენებებიდან, ჩატარებული ექსპერტიზის და რევიზიის დასკვნის საფუძველზე, ასევე იმ მტკიცებულებების საფუძველზე, რაც ბრალდების მხარეს გააჩნდა, მოსამართლეს აძლევს საფუძველს, რომ გამოიტანოს განივრულ ეჭვს მიღმა განაჩენი და დაადგინოს ბრალდებულთა მიერ ჩადენილი დანაშაულებრივი ქმედება“.

სასამართლოს სხდომას „ცენტრ-პოინტის“ დამფუძნებელი მაია რჩეულიშვილი არ ესწრებოდა.

მონიკა დავლიანიძე