სამართალი

წამებით არის მოკლული - რუსთავში მოკლული ქალის მეზობელი

რუსთავში, ფალიაშვილის ქუჩაზე მომხდარი მკვლელობის მოტივი და სავარუდო დამნაშავის ვინაობა სამართალდამცველებისთვის ჯერჯერობით უცნობია.

53 წლის ქალის ცხედარი მისსავე სახლში გარდაცვლილის დედამ გუშინ იპოვა.

არსებული ინფორმაციით, ცხედარს არც ცივი და არც ცეცხლსასროლი იარაღის კვალი არ ეტყობა, თუმცა დაზიანებები აღენიშნება ყელის არეში.

სამართალდამაცვებმა უკვე დაკითხეს მოკლულის მეზობლები.

მათ მკვლელობის ვერსიებსა და მოტივზე საუბარი უჭრით.

ერთ-ერთი მეზობლის ინფორმაციით, ქალი წამებით მოკლეს.

,,წამებით არის მკვდარიო. წყნარი გოგო იყო. არ სვამდა, არ ეწეოდა, სიწყნარე ჰქონდა. ხმაური არ გამოდიოდა მაგის ოჯახიდან“, - ამბობს რუსთავი 2-თან საუბარში მოკლულის მეზობელი.

მომხდარზე გამოძიება სისხლის სამართლის კოდექსის 108-ე მუხლით აღიძრა, რაც განზრახ მკვლელობას გულისხმობს.