პოლიტიკა

ტრამპი თავიდან შეეცდება ურთიერთობები დაათბოს რუსეთთანაც და სირიასთანაც - მამუკა არეშიძე

ექსპერტ მამუკა არეშიძის განცხადებით, დონალდ ტრამპი რუსეთთან ურთიერთობაში თავდაპირველად მეგობრული იქნება, მაგრამ ბოლოს სხვა ქვეყნების ინტერესები გადაწონის.

ამის შესახებ არეშიძემ დღეს გამართულ პრესკონფერენციაზე განაცხადა და აღნიშნა, რომ ტრამპი საქართველოსთან მიმართებაში საგარეო პოლიტიკურ კურსს არ შეცვლის, ხოლო ტრამპის გაპრეზიდენტებით, ზოგადად მსოფლიო პოლიტიკა უფრო პრაგმატული გახდება.

,,ტრამპის არჩევა ბევრისთვის მოულოდნელი აღმოჩნდა. მე ვფიქრობ, რომ ტრამპის არჩევამ სერიოზული დარტყმა მიაყენა ლიბერალური დემოკრატიის მამამთავრებს. იმ ტიპის მმართველობა, რომელიც აქამდე არსებობდა მსოფლიოში, შეიცვლება, ბევრად უფრო პრაგმატულ პოლიტიკასთან გვექნება საქმე.

ტრამპი თავიდან შეეცდება ურთიერთობები დაათბოს რუსეთთანაც და სირიასთანაც. ამერიკის ყველა პრეზიდენტი თავიდან გადატვირთვის პოლიტიკით იწყებს, მაგრამ შემდეგ ცვლის ამ რიტორიკას, რადგან რუსეთი არასდროს ცვლის თავის პოლიტიკას. ურთიერთობები თავდაპირველად იქნება მეგობრული, მაგრამ ბოლოს გადაწონის ქვეყნის ინტერესები.

ამერიკის შეერთებულ შტატებს აქვს ერთი იდეოლოგია, რომელზეც დგას ქვეყანა და ამ იდეოლოგიაში ეჭვის შეტანა გამოიწვევს ან ქვეყნის რღვევას ან კენედის ფინალს. ამერიკისთვის საქართველო მხოლოდ მეგობარი არაა . საქართველო და კავკასია ამერიკის შეერთებული შტატების ინტერესშია“, - განაცხადა მამუკა არეშიძემ.

მარი ნამგალაძე