პოლიტიკა

თქვენს კონსტიტუციაში რიგი შეუსაბამობაა, რაც არახელსაყრელ მდგომარეობაში აყენებს ეროვნული უსაფრთხოების ინსტიტუტებს - უილიამ ლაჰიუ

საქართველოში ნატოს სამეკავშირეო ოფისის ხელმძღვანელის, უილიამ ლაჰიუს განცხადებით, საქართველოს კონსტიტუციაში რიგი შეუსაბამოებია, რაც გამოსწორებას საჭიროებს, რადგან ის საფრთხეს უქმნის ეროვნულ უსაფრთხოებას.

„თქვენს კონსტიტუციაში რიგი შეუსაბამობაა, რასაც ქართული საზოგადოება და განსაკუთრებით პარლამენტი აღიარებს. ეს შეუსაბამოებები არახელსაყრელ მდგომარეობაში აყენებს ეროვნული უსაფრთხოების ინსტიტუტებს - მართონ და მოემზადონ ეროვნული კრიზისებისთვის, მათ შორის ომისთვისაც“, - განაცხადა ლაჰიუმ პრეზიდენტის ადმინისტრაციაში, ეროვნული უშიშროების საბჭოს აპარატის მიერ ორგანიზებულ მრგვალ მაგიდაზე.

ლაჰიუს თქმით, მისასალმებელია საკონსტიტუციო ცვლილებების განხილვა, რაც, მისი აზრით, ხარვეზების გამოსწორებას შეუწყობს ხელს. ლაჰიუმ აღნიშნა, რომ ნატოს სამეკავშირეო ოფისი არ უჭერს მხარს საქართველოს ხელმძღვანელობის რომელიმე კონკრეტულ წარმომადგენელს, იქნება ეს პრეზიდენტი თუ პრემიერ-მინისტრი, არამედ ეფექტური ინსტიტუციების ჩამოყალიბებას.

ანა მებურიშვილი