პოლიტიკა

თქვენი ხელწამოსაკრავი არ არის ქალბატონი თეა წულუკიანი - არჩილ თალაკვაძე ნაციონალურ მოძრაობას

თქვენი ხელწამოსაკრავი არ არის ქალბატონი თეა წულუკიანი,- ასე მიმართა საპარლამენტო უმრავლესობის ლიდერმა, არჩილ თალაკვაძემ „ნაციონალური მოძრაობის“ წევრებს, რომლებიც იუსტიციიის მინისტრის თანამდებობიდან გადაყენებას ითხოვენ.

„გირჩევნიათ თქვენი იუსტიციის მინისტრი გამოიძახოთ და პასუხები გასცეს საზოგადოებას და მართლმსაჯულებას,“- განაცხადა არჩილ თალაკვაძემ პარლამენტის პლენარულ სხდომაზე.

ცნობისათვის, იუსტიციის სამინისტროს წინ „ნაციონალური მოძრაობისა“ და მოძრაობის #ნუმომკლავ წარმომადგენლენი უწყების ხელმძღვანელის, თეა წულუკიანის გადადგომისა და პასუხისგებაში მიცემის მოთხოვნით აქციას მართავენ.

შეკრებილთა თქმით, წულუკიანი მუდმივად მფარველობდა დამნაშავეთა იმ ჯგუფს, რომლებიც ხორავას ქუჩაზე მომხდარი დანაშაულის მტკიცებულებების გაყალბებასა და განადგურებას ახდენდნენ.