პოლიტიკა

ტყვიებს როცა ჭედავ და აწერ ამ სახელებს - ბიძინა, გედი, ეკა, სალომე -შენ იწყებ უკვე სამოქალაქო ომსაც და დაპირისპირებასაც - გედევან ფოფხაძე

საპარლამენტო უმრავლესობის წევრმა გედევან ფოფხაძემ თავისი განცხადება განმარტა, რომელიც საპრეზიდენტო არჩევნებში გრიგოლ ვაშაძის გამარჯვების შემთხვევაში, მოსალოდნელ სამოქალაქო ომსა და დაპირისპირებაზე გააკეთა.

დეპუტატის თქმით, დღეს ვითარების ესკალაციის საფრთხე მაღალია, რადგან არსებობს ორი ერთმანეთთან დაპირისპირებული პოლიტიკური ძალა, რომელიც ერთმანეთს მოღალატეს უწოდებს.

მმართველი გუნდის დეპუტატის განმარტებით, იგეგმება პოლიტიკური შეწყალებები, რაც მისი თქმით, ქმნის დაპირისპირების საფრთხეს.

„ომი უკვე მიმდინარეობს ჩვენ შორის. თუ ტყვიებს არ ვესვრით ერთმანეთს, ვწირავთ მოღალატეებად ერთმანეთის შერაცხვით. როცა ვჭედავთ ტყვიებს და ვაწერთ სახელებს - ბიძინა, გედი, ეკა, სალომე. ტყვიებს როცა ჭედავ და ამ სახელებს აწერ - შენ იწყებ უკვე სამოქალაქო ომსაც და დაპირისპირებასაც. ნუ გაქვს მერე იმის განცდა, რომ ეს ისე ჩაივლის შენ არაფერ შუაში არ იქნება“, - განაცხადა ფოფხაძემ.