სამართალი

თიბისი ბანკმა შესაძლოა ზაზა ოქუაშვილს სასამართლოში უჩივლოს

ახლა ვაგროვებთ საბუთებს და ვისაც მოეთხოვება პასუხი, სასამართლოში შევიტანთ, - განაცხადა თბისი ბანკის გენერალურმა დირექტორმა, ვახტანგ ბუცხრიკიძემ თიბისი ბანკში გამართულ ბრიფინგზე, რომლითაც ,,ომეგა ჯგუფის“ დამფუძნებლის ზაზა ოქუაშვილის ბრალდებებს გამოეხმაურა.

კითხვაზე შესაძლებელია თუ არა თიბისი ბანკმა ზაზა ოქუაშვილს უჩივლოს, ბუცხრიკიძე დადებითად პასუხობს.

,,დიახ, განვიხილავთ“, - აცხადებს ბუცხრიკიძე.

შეგახსენებთ, რომ ,,ომეგა ჯგუფის“ დამფუძნებელი ზაზა ოქუაშვილი 2016 წლის აპრილში ,,თიბისი ბანკში“ განხორციელებულ უკანანო ტრანზაქციაზე საუბრობს, რომლის შედეგად, მისი კუთვნილი 4 მილიონი ლარის ეკვივალენტი უცხოურ ვალუტაში გაცემა მოხდა.

როგორც ,,ომეგა ჯგუფში“ აცხადებენ 21 აპრილს, პროცესს თავად ვახტანგ ბუცხრიკიძეც ესწრებოდა.

ოქუაშვილის ინფორმაციით, აღნიშნული თანხა მისგან ,,ქართული ოცნების“ დამფუძნებელმა ბიძინა ივანიშვილმა მოითხოვა.

ნინო ექვთიმიშვილი