სამართალი
ტერორიზმის მხარდაჭერის საქმეზე მოსამართლე განაჩენის გამოსატანად სათათბიროდ გავიდა.
ტერორიზმის მხარდაჭერის საქმის არსებითი განხილვა თბილისის საქალაქო სასამართლოში დასრულდა. მოსამართლე განაჩენის გამოსატანად სათათბიროდ გავიდა. მანამდე კი სასამართლოს წინაშე საბოლოო სიტყვებით ბრალდებულები წარსდგნენ. ერთ-ერთმა ბრალდებულმა შოაიფ ბორზიევმა სწორედ საბოლოო სიტყვისას დაარღვია დუმილი.
როგორც ჟურნალისტებს ბორზიევის ადვოკატმა იმედა ქარქაშაძემ განუცხადა, მისი დაცვის ქვეშ მყოფი წარდგენილ ბრალდებაში თავს დამნაშავედ არ ცნობს.
"მოლოდინი საკმაოდ დიდია. ჩვენ არ ვუარყოფთ გარკვეულ ფაქტებს, მაგრამ არ ვაღიარებთ წარდგენილ ბრალდებას. ის, ამ მხრივ, თავს დამნაშავედ არ ცნობს. რაც შეეხება სხვა გარემოებებს, ამას განაჩენის გამოცხადების შემდეგ მოგახსენებთ", - განაცხადა ქარქაშაძემ.
შეგახსენებთ, რომ სუს-მა ანტიტერორისტული ოპერაცია ბერი გაბრიელ სალოსის ქუჩაზე 2017 წლის 21-22 ნოემბერს ჩაატარა. ჩატარებული ოპერაციის შედეგად, გაბრიელ სალოსის ქუჩაზე ლიკვიდირებული იქნა ახმედ ჩატაევის დაჯგუფების ორი წევრი, თავად ჩატაევმა კი თავი აიფეთქა. სპეცოპერაციის ჩატარებამდე სამართალდამცველებმა დაჯგუფების ერთი წევრი შოაიფ ბორზიევი დააკავეს. მას ბრალად ტერორისტული ორგანიზაციის წევრობა ედება.
საკვანძო სიტყვები:
მიგრაციის დეპარტამენტის თანამშრომლებმა საქართველოდან უცხო ქვეყნის 105 მოქალაქე გააძევეს
24 მარტი, 2026 , 13:07
თბილისის საქალაქო სასამართლომ ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა
24 მარტი, 2026 , 12:55
ნიკა მელიას საქმე არსებითად განსახილველად სასამართლოს გადაეცა - გადაწყვეტილება მოსამართლე ვალერიან ბუგიანიშვილმა მიიღო
23 მარტი, 2026 , 13:58
სახალხო დამცველმა თბილისის საქალაქო სასამართლოში ბრალდებულ პაატა მანჯგალაძის საქმეზე სასამართლოს მეგობრის მოსაზრება წარადგინა
23 მარტი, 2026 , 12:27
შსს-მ აჭარაში სპეცოპერაციის შედეგად „ქურდულ სამყაროსთან“ კავშირში მყოფი 72 პირი დააკავა, კიდევ ხუთ პირს ბრალი წარედგინა, მათ შორის ე.წ. კანონიერ ქურდს
17 მარტი, 2026 , 15:08
დაცვის პოლიციის დეპარტამენტისა და საპატრულო პოლიციის დეპარტამენტის ორი თანამშრომელი დააკავეს
17 მარტი, 2026 , 13:02
