პოლიტიკა

თემირლან მაჩალიკაშვილის მკვლელობის საქმეზე საგამოძიებო კომისიის შექმნაზე ენმ- მოთხოვნას ,,ქართულ ოცნებაში“ არ იზიარებენ

„ნაციონალური მოძრაობა“ თემირლან მაჩალიკაშვილის მკვლელობის საქმეზე საგამოძიებო კომისიის შექმნას ითხოვს. ოპოზიციის განმარტებით, დაზარალებულებს აქვთ საფუძვლიანი კითხვები და უნდობლობა გამოძიების მიმართ, რომელსაც დღემდე არ მოუხდენია სათანადო სამართლებრივი რეაგირება.

კომისიის შექმნის საჭიროებას ვერ ხედავენ მმართველ გუნდში. პარლამენტის საგარეო ურთიერთობათა კომიტეტის თავმჯდომარის მოადგილე, დიმიტრი ცქიტიშვილი განმარტავს, რომ მაჩალიკაშვილის საქმე გარკვეულწილად ქვეყნის უსაფრთხოების საქმეს უკავშირდება და სწორედ ამიტომ არ არის მიზანშეწონილი საგამოძიებო კომისიის შექმნა.

„ვფიქრობ, რომ თუ კითხვები არსებობს, სხვა ფორმით უნდა მოხდეს ამ კითხვების ამოწურვა. მათ ჰქონდათ შესაძლებლობა კითხვები დაესვათ უშიშროების სამსახურის ხელმძღვანელისთვის დახურულ ფორმატში, როდესაც ის ანგარიშს წარადგენდა წლის განმავლობაში. მე ვფიქრობ, რომ ამის შესაძლებლობა კიდევ ექნებათ და ეს ფორმატი უფრო მისაღებია,“ - განაცხადა დიმიტრი ცქიტიშვილმა.