საზოგადოება

ტელეკომპანია „ფორმულამ“ პარტია „ნაციონალური მოძრაობიდან“ 540 ათასი ლარი მიიღო - კომინიკაციების კომისია

კომუნიკაციების კომისიამ „ფორმულა მულტიმედია“ პოლიტიკური პარტიისგან დაფინანსების მიღების გამო წერილობით გააფრთხილა.

კომუნიკაციების კომისიის ცნობით, განხორციელებული მონიტორინგის შედეგად გამოვლინდა, რომ მაუწყებელმა 2025 წლის მე-3 კვარტალში პოლიტიკური გაერთიანება „ერთიანობა – ნაციონალური მოძრაობისგან“ 540,000 ლარი მიიღო.

„„მაუწყებლობის შესახებ“ საქართველოს კანონის 661 მუხლის პირველი პუნქტის მიხედვით, აკრძალულია პოლიტიკური პარტიის მიერ მაუწყებლის დაფინანსება, აგრეთვე მისი მომსახურების შესყიდვა და პროგრამების მომზადების ან/და ეთერში გადაცემის პირდაპირი ან ირიბი დაფინანსება, ან თანადაფინანსება, გარდა ამავე კანონით განსაზღვრული შემთხვევებისა.

იქიდან გამომდინარე, რომ „ფორმულა მულტიმედია“ ბოლო ერთი წლის განმავლობაში მსგავსი დარღვევისთვის არ დასანქცირებულა, კომუნიკაციების კომისიამ მაუწყებელი წერილობით გააფრთხილა“, – აღნიშნულია კომუნიკაციების კომისიის ინფორმაციაში.