სამართალი

თეიმურაზ გუგეშაშვილს დოდო გუგეშაშვილის მიერ მიცემულ ჩვენებასთან დაკავშირებით კითხვები უჩნდება

დოდო გუგეშაშვილის ძმა, თეიმურაზ გუგეშაშვილი აცხადებს, რომ ჩვენება, რომელიც დოდო გუგეშაშვილმა მასზე და მის შვილზე განხორციელებული თავდასხმის შესახებ მისცა, კითხვებს ბადებს.

ჟურნალისტების კითხვაზე, გამორიცხავს თუ არა იგი დაქირავებული ქილერის ვერსიას, თეიმურაზ გუგეშაშვილმა უპასუხა, რომ ვერაფერს გამორიცხავს, რადგან ნოდარისგან ნაწყენი არასდროს არავინ არ ყოფილა, გარდა იმ ფაქტისა, რომელიც 15 წლის წინ მოხდა.

თეიმურაზ გუგეშაშვილი ამბობს, რომ გასრილასთან დაკავშირებით ინფორმაციის მისაღებად იგი ექსპერტიზის ბიუროშიც იმყოფებოდა.

„მაინტერესებდა სროლასთან დაკავშირებით ინფორმაცია. ექსპერტიზის პასუხის გაცნობის უფლება არ მაქვს, მაგრამ რაც შესაძლებელი იყო გავიგე, რომ არის გამჭოლი ჭრილობა, დაზიანებულია ორივე ფილტვი, ასევე ხორხი და საძილე არტერიაც. ეს იყო სიკვდილის მიზეზი“, - განაცხადა გუგეშაშვილმა.

თეიმურაზ გუგეშაშვილმა არ იცის ჰქონდა თუ არა გამოძიებას კთხვები ბიზნესთან დაკავშირებით, თუმცა აცხადებს რომ მის დას არანაირი ბიზნესი არ ჰქონია.

„დაკითხვაზე რამდენიმე წუთით ვიყავი, ვიღებდი ცნობას, რომ ცხედარი სამხარაულიდან გამომესვენებინა. რაც შეეხება ბიზნესს, დოდოს საერთოდ არავითარი ბიზნესი არ ჰქონია. ასევე გელა ნიკოლეიშვილისგან რაც მოვისმინე ჩანაწერი, ეს არის ის, რომ ვიღაც პიროვნებას უკრაინაში რაღაცის გადაადგილებაზე დახმარება უნდოდა, რა იყო ეს პროდუქცია, არ ვიცი“, - ამბობს თეიმურაზ გუგეშაშვილი.

ცირა გურგენიძე