პოლიტიკა

თბილისში, უცხოეთში მყოფი ჩვენი თანამემამულეების მინიმუმ 50 ათასი ხმა გაყალბდა - შალვა ნათელაშვილი

საარჩევნო პროცესში გამოვლენილ დარღვევებთან დაკავშირებით „ლეიბორისტულ პარტიას“სასამართლოში სარჩელი შეაქვს.

საუბარია შემთხვევებზე როდესაც, პარტიის ლიდერის შალვა ნათელაშვილის მტკიცებით, უცხოეთში მყოფი საქართველოს მოქლაქეების ნაცვლად, ხმას სხვა პირები აძლევდნენ.

როგორც ნათელაშვილმა ჟურნალისტებს განუცხადა, თბილისში მსგავსი ფაქტი ისნის ერთ-ერთ საარჩევნო უბანზე დაფიქსირდა. თუმცა, პოლიტიკოსის მტკიცებით, თბილისის მასშტაბით, ასეთი გზით 50 ათასამდე ხმა გაყალბდა, ქვეყნის მასშტაბით კი ასი ათასობით.

„ისნის რაიონში, ერთ-ერთი ჩვენი თანამოქალაქე, რომელიც კარგა ხანია ალიასკაზე ცხოვრობს, გამოცხადდა თავისი პასპორტით, ოღონდ ძმის ხელით, რომელიც მოითხოვდა ჩვენი წარმომადგნელისგან, რომ პასპორტი დაებრუნებინათ უკან და სხვა უბნებზეც მიეცა ხმა. ჩვენი წარმომადგენელი „ოცნების“ წარმომადგენელი ეგონა. როდესაც საჩივარი დაიწერა, ქალბატონი შორენა გუგავა, განრისხებულმა უბნის კომისიამ იგი გამოაძევა უბნიდან, რომ ეს სქემა გაიშიფრა.

მინიმუმ 50 ათასი ხმა უცხოეთში მყოფი ჩვენი თანამემამულეების მოიპარა ივანიშვილმა და კალაძემ თბილისში. ასი ათასობით ხმა მოიპარეს საქართველოს მასშტაბით იმ ადმიანებისა, რომლებიც ამათ პოლიტიკას გაექცნენ“,- განაცხადა შალვა ნათელაშვილმა.

მონიკა დავლიანიძე