სამართალი

თბილისში საქველმოქმედო ფონდის ოფისი გაქურდეს

თბილისში, კლდიაშვილის ქუჩაზე საქველმოქმედო ფონდ, ,,მომავლის გზის“ ოფისი გაქურდეს.

მოპარულია კომპიუტერული ტექნიკა, შემოწირული თანხა და სხვა ნივთები.

ფონდის თანამშრომლებმა დღეს დილით აღმოაჩინეს, რომ შენობა გატეხილი იყო.

,,წაღებულია ბავშვების შესაწირი თანხა, რომელიც საახალწლოდ მათი სურვილების შესასრულებლად, საჩუქრების შესაძენად იყო გამიზნული, ფოტოაპარატი, ვიდეოკამერა და ლეპტოპი, სადაც სრული ბაზა იყო ჩვენი საქმიანობის და ბავშვების აღრიცხვის“, - აცხადებს ფონდის ხელმძღვანელი, დავით კინწურაშვილი.

ადგილზე სამართალდამცავები არიან მობილიზებული. მომხდართან დაკავშირებით გამოძიება სისხლის სამართლის კოდექსის 177-ე ქურდობის მუხლით მიმდინარეობს. მიმდინარეობს საგამოძიებო მოქმედებები.

ნინო ექვთიმიშვილი