სამართალი

თბილისის საქალაქო სასამართლოში იუსტიციის უმაღლესი საბჭოს წინააღმდეგ ანა დოლიძის სარჩელს განიხილავენ

თბილისის საქალაქო სასამართლოში იუსტიციის საბჭოს არამოსამართლე წევრის, ანა დოლიძის სარჩელის განხილვა მიმდინარეობს. პრეზიდენტის კვოტით გასულმა არამოსამართლე წევრმა იუსტიციის უმაღლეს საბჭოს უჩივლა. საქმე ეხება მიმდინარე წლის თებერვალში იუსტიციის საბჭოს მიერ ანა დოლიძის აცილებას უვადო მოსამართლეობის კანდიდატების გასაუბრებიდან და კენჭისყრის პროცესიდან. მისი აცილება მოსამართლეებმა მოითხოვეს.

იუსტიციის საბჭოს არამოსამართლე წევრის ინტერესებს საია იცავს. ორგანიზაციის თავმჯდომარის, სულხან სალაძის განმარტებით, ანა დოლიძის შემთხვევა შეიძლება ტენდენციად იქცეს.

„ეს შეიძლება გახდეს არაერთი და ორი შემთხვევა. ეს შეიძლება გახდეს ტენდენცია და შეიძლება გახდეს იმის საფუძველი, რომ მუდმივად საბჭოს წევრს ჰქონდეს იმის განცდა, რომ თუ ის ღიად ისაუბრებს პრობლემებსა და გამოწვევებზე, შესაძლოა, ისეთ მნიშვნელოვან პროცესში, რომელიც დაკავშირებულია მოსამართლეების შერჩევასთან, მოხდეს მისი აცილება და ვერ შეასრულოს მასზე დაკისრებული უფლებამოსილება. ამიტომაც მგონია, რომ ეს სარჩელი, რაზეც ანა დოლიძის ინტერესებს იცავს საია, არის დასაბუთებული“, - განაცხადა სალაძემ.