სამართალი

თბილისის სააპელაციო სასამართლომ ის გადაწყვეტილება გააუქმა, რომლითაც ვაკის პარკში სასტუმროს მშენებლობა შეჩერდა

თბილისის სააპელაციო სასამართლომ დღეს გამოაცხადა ვაკის პარკში სასტუმროს მშენებლობის ნებართვის შესახებ 2016 წლის აპრილში დაწყებული განხილვის შედეგად მიღებული გადაწყვეტილება – მწვანე ალტერნატივას სააპელაციო საჩივარი არ დაკმაყოფილდა, ხოლო შპს „ტიფლის კოსტავას“ და „გრაალის“ აპელაცია დაკმაყოფილდაინფორმაციას მწვანე ალტერნატივა ავრცელებს.

,,2018 წლის 28 მაისს თბილისის სააპელაციო სასამართლომ გამოაცხადა ვაკის პარკში სასტუმროს მშენებლობის ნებართვის შესახებ 2016 წლის აპრილში დაწყებული განხილვის შედეგად მიღებული გადაწყვეტილება - მწვანე ალტერნატივას სააპელაციო საჩივარი არ დაკმაყოფილდა, ხოლო შპს „ტიფლის კოსტავას“ და „გრაალის“ აპელაცია დაკმაყოფილდა.

შპს „ტიფლის კოსტავა“ და შპს „გრაალი" ითხოვდნენ საქალაქო სასამართლოს გადაწყვეტილების გაუქმებას, რომლითაც მწვანე ალტერნატივას სარჩელი ნაწილობრივ დაკმაყოფილდა და სადავო საკითხის გადაუწყვეტლად ბათილად იქნა ცნობილი ქ. თბილისის მერის განკარგულება ვაკის პარკში სასტუმროს მშენებლობისათვის სპეციალური ზონალური ნებართვის გაცემის შესახებ და ქ. თბილისის მუნიციპალიტეტის მერიას დაევალა საკითხის ხელახლა განხილვა“, - ნათქვამია მწვანე ალტერნატივის განცხადებაში.

თბილისის სააპელაციო სასამართლომ ის გადაწყვეტილება გააუქმა, რომლითაც ვაკის პარკში სასტუმროს მშენებლობა შეჩერდა