საზოგადოება

თბილისის მეტროპოლიტენის თანამშრომლებს 2019 წლის იანვრიდან ხელფასები გაეზრდებათ

თბილისის მეტროპოლიტენის თანამშრომლებს 2019 წლის იანვრიდან ხელფასები 10-15%-ით გაეზრდებათ.

აღნიშნულთან დაკავშირებით განცხადება მეტროს დამოუკიდებელი პროფესიული კავშირის „ერთობა 2013“-ის წარმომადგენლებმა დღეს გამართულ პრესკონფერენციაზე გააკეთეს.

მათ მადლობა გადაუხადეს პროფკავშირების გაერთიანებას და იმ არასამთავრობო ორგანიზაციებს, რომლებიც დაეხმარნენ ივნისში, გაფიცვის დროს.

„ასევე, მადლობას ვუხდით თბილისის მოსახლეობას, ჩვენს მგზავრებს პრობლემის სწორად აღქმისთვის და აქვე გვინდა ბოდიში მოვუხადოთ გაფიცვის დროს შექმნილი დისკომფორტისთვის. ასევე, კომპანიის, მერიისა თუ სახელმწიფოს წარმომადგენლებს, ვინც სწორად გაიგო ჩვენ მიერ დასმული პრობლების არსი და ქმედითი ნაბიჯები გადადგა მისი მოგვარებისთვის“, – განაცხადეს პროფკავშირების წარმომადგენლებმა.