პოლიტიკა

თბილისის მერიაში სტრუქტურული ცვლილებები ხორციელდება

თბილისის მერიაში სტრუქტურული რეფორმის ფარგლებში, უქმდება ეკოლოგიისა და გამწვანების საქალაქო სამსახური და იქმენა ახალი - გარემოს დაცვის საქალაქო სამსახური.

აღნიშნულის შესახებ თბილისის მერმა, კახა კალაძემ დღეს გამართულ პრეზენტაციაზე განაცხადა.
მისვე ინფორნაციით, რეფორმის მიხედვითვე, არქიტექტურის სამსახურს გამოეყოფა ურნაბული განვითარების სამსახური.

,,არქიტექტურა დარჩება ცალკე და იქნება სერვისებზე ორიენტირებული, ხოლო პოლიტიკას წარმართავს ურბანული განვითარების საქალაქო სამსახური“, - აღნიშნა კალაძემ.

ამასთან, რეფორმის ფარგლებში განხორციელდება კულტურის, განათლების, სპორტისა და ახალგაზრდულ საქმეთა მიმართულებების მმართველობითი გაერთიანება.

ამ მიზნით გაერთიანებდება ორი საქალაქო სამსახური. კერძოდ, კულტურის საქალაქო სამსახური და განათლების, სპორტისა და ახალგაზრდულ საქმეთა საქალაქო სამსახური ჩამოყალიბდება კულტურის, განათლების და სპორტის საქალაქო სამსახურად.

მერიაში სტრუქტურული რეფორმის ფარგლებში, კეთილმოწყობის სამსახურს შეეცვლება სახელწოდება და ინფრასტრუქტურის განვითარების სამსახური გახდა.

,,უმთავრესი არსი, რაც ამ ცვლილებებით არის გათვალისწინებული, არის ის, რომ საქალაქო სამსახურები მათ სფეროში არა უბრალოდ ტექნიკური აღმსარულებლები, არამედ პოლიტიკის შემქმნელები და პოლიტიკის გამტარებლები იქნებიან“, - განაცხადა კახა კალაძემ.

ნინო ექვთიმიშვილი