პოლიტიკა

თბილისის მერია დედაქალაქის მიწათსარგებლობის გენგეგმაში არსებულ ხარვეზებს დღეს გამოაქვეყნებს

თბილისის მერია დედაქალაქის მიწათსარგებლობის გენგეგმაში არსებული ხარვეზების გამოქვეყნებას დღეს აპირებს.

გენერალური გეგმა 6 ეტაპისგან შედგება და ხარვეზები საბოლოო ეტაპზე სამჯერ დაფიქსირდა. ამის გამო, გეგმაზე მომუშავე კომპანია 140 ათასი ლარით დაჯარიმდა.

დოკუმენტის სრულყოფისათვის „სითი ინსტიტუტმა“ 45 დღე ითხოვა.

„ძირითადად დასაბუთებები უნდათ, რატომ მოხდა ეს ცვლილებები. იქ არის რაღაც შენიშვნები ზონირებასთან, არის კიდევ ტრანსპორტის ნაწილში. ზოგიერთ ზონაზე აქვთ, როგორც მე ვნახე. ჩვენ მასზე გვაქვს ძალიან მყარი არგუმენტები, რომ ამიტომ და ამიტომ სასურველია ეს ზონა იყოს ამ სახეობის," - განაცხადა კომპანია ”სითი ინსტიტუტ საქართველოს“ დირექტორმა მერაბ ბოლქვაძემ.