საზოგადოება

„თავისუფლების ინსტიტუტმა“ ჯერ კიდევ 2004 წელს შექმნა მედია-გეგმა ეკლესიის დისკრედიტაციისთვის - ირმა ინაშვილი

პარლამენტის ვიცე-სპიკერის, პატრიოტთა ალიანსის ლიდერის ირმა ინაშვილის განცხადებით, „ეკლესიის წინააღმდეგ ბრძოლა ჯერ კიდევ 90-ანი წლების მეორე ნახევარში დაიწყო, როდესაც ქვეყანაში „თავისუფლების ინსტიტუტი“ შეიქმნა.

როგორც ინაშვილმა აღნიშნა, „თავისუფლების ინსტიტუტმა“ შექმნა კონკრეტული მედია-გეგმა, რომლითაც, მისი წარმომადგენლები 2004 წელს საზოგადოებრივი მაუწყებლის 1 არხზე მივიდნენ.

„ეს გეგმა ითვალისწინებდა რამდენიმე პუნქტის განხორციელებს. დოკუმენტური ფილმები უნდა მოგვემზადებინა: სინოდზე, სადაც უნდა წარმოჩენილიყო, რომ სინოდი არის გახლეჩილი, რომ პატრიარქი მოხუცდა და ვეღარ მართავს პროცესებს. უნდა წარმოჩენილიყო, რომ სინოდი არის უუნარო ორგანო, როგორც კორუმპირებული მეუფეების ჯგუფი, რომელთა ერთი ნაწილი არის ბრმა ფანატიკოსი, მეორე ნაწილი მექრთამე;

დოკუმენტურ ფილმებში უნდა ასახულიყო სამონასტრო ცხოვრება. მონასტრების ცხოვრება ისე გაშუქებულიყო, თითქოს დედები არიან ლესბოსელები, მამები არიან მამათმავლები და ეს „ლამაზ“ ფორმებში უნდა აესახათ 1 არხის ჟურნალისტებს.

უნდა მოზმადებულიყო სპეციალური სერია, სადაც აისახებოდა, რომ მრევლი არის ბრმა და უცოდინარი, რომ მათ არაფერი იციან რელიგიური დღესასაწაულების შესახებ.

უნდა წარმოჩენილიყო, რომ არაფერი არ არის შობა, აღდგომა, უნდა გაშაყირებულიყო რელიგიური დღესასწაულები-ამისთვის სპეციალური თავი იყო.

უნდა გვეჩვენებინა მართლამიდებლები, როგორც მოძალადეები და სხვა რელიგიების შემვიწროებელნი.

კიდევ ერთი პუქნტი ეხებოდა დაფინანსების საკითხს. სწორედ ამ დაფინანსების საკითხსზე საუბრობს დღეს რესპუბილიკური პარტია, რომ რევიზია მოხდეს, თუ რაში ხარჯავს ეკლესია ფულს.

ამ გეგმით ხელმძღვანელობს რესპუბლიკური პარტია, იმიტომ რომ რესპუბლიკური პარტია, ბერძენიშვილები, იყვნენ „თავისუფლების ინსტიტუტის“ იდეოლოგები, სწორედ ეს ხალხი ებრძოდა ეკლესიას, სააკაშვილებთან, ბოკერიებთან ერთად და დღესაც ეს ბრძოლა მიდის. ახალი არაფერი მომხდარა. ეკლესიის წინააღმდეგ ილაშქრებს იგივე ხალხი. დრო იცვლება, თორემ ადამიანები და მათი მენტალიტი არ იცვლება, ესენი ნეობოლშევიკები არიან, რომლებიც არიან თანამედროვე ბორის ძნელაძეები“,-განაცხადა ირმა ინაშვილმა.

მონიკა დავლიანიძე