პოლიტიკა

„თავისუფალმა დემოკრატებმა“ ბევრჯერ აჩვენეს, რომ ხელისუფლებისთვის გუნდრუკის კმევით იყვნენ დაკავებული - სერგი კაპანაძე

ნაციონალური მოძრაობის წევრი სერგი კაპანაძე „თავისუფალი დემოკრატების“ ყოფილი წევრების მოწოდებას გამოეხმაურა.

ზურაბ აბაშიძემ, გია ცაგარეიშვილმა და დავით ონოფრიშვილმა საკუთარ ამომრჩეველს მოუწოდეს, რომ არჩევნების მეორე ტურში ხმა „ქართული ოცნების“ სასარგებლოდ მისცენ.

როგორც კაპანაძემ საკითხის კომენტირებისას ჟურნალისტებს განუცხადა, „თავისუფალმა დემოკრატებმა“ ბევრჯერ აჩვენეს, რომ ხელისუფლებისთვის გუნდრუკის კმევით იყვნენ დაკავებული, ვიდრე რეალური ოპოზიციური საქმიანობით.

„ფუნდამენტური განსხვავება არის იმ ადამიანებს შორის და მათი პოზიციას შორის, ვინც მხარი დაუჭირა „თავისუფალ დემოკრატებს“ და ამ პარტიის ყოფილ ლიდერებს შორის, რომლებმაც ბევრჯერ აჩვენეს, რომ პრინციპული პოზიციის დაკავება არ შეუძლიათ. მათ ბევრჯერ აჩვენეს, რომ ისინი ხელისუფლებისთვის გუნდრუკის კმევით იყვნენ დაკავებული, ვიდრე რეალური ოპოზიციური საქმიანობით. ამიტომ, მე ვარ ღრმად დარწმუნებული, რომ ის ადამიანები, რომლებიც სხვა ოპოზიციური პარტიების მხარდამჭერები იყვნენ პირველ ტურზე, როდესაც მეორე ტური დადგება, მოვლენ და ისევ ოპოზიციურ პარტიას დაუჭერენ მხარს იმ მიზნით, რომ „ოცნებამ“ არ მიიღოს კონსტიტუციური უმრავლესობა. ძალიან სამწუხაროა, რომ „თავისუფალი დემოკრატების“ რამდენიმე ყოფილი ლიდერი ამას ვერ აცნობიერებს“,-აღნიშნა კაპანაძემ.

მონიკადავლიანიძე