პოლიტიკა

„თავისუფალი საქართველო“ პრემიერის ინიციატივას მიესალმება

პარტია „თავისუფალი საქართველო“ მიესალმება ოპოზიციასთან კონსულტაციების დაწყების შესახებ პრემიერ გიორგი კვირიკაშვილის განცხადებას.

როგორც ,,თავისუფალი საქართველოს’’ განცხადებაშია აღნიშნული, პოლიტიკურ ძალებს შორის დიალოგი არის ის ჯანსაღი ფორმატი, რომელიც უმჯობესი იქნებოდა საკონსტიტუციო რეფორმის დაწყებისთანავე გამართულიყო.

,, თუმცა, თუკი მხარეების მხრიდან იქნება შესაბამისი მზაობა, კომპრომისის მიღწევა ამ ეტაპზეც შესაძლებლად მიგვაჩნია.

ვიმედოვნებთ, რომ ოპოზიციასთან გამართულ კონსულტაციებს არ ექნება მხოლოდ ფორმალური სახე და საკონსტიტუციო რეფორმასთან დაკავშირებით შევძლებთ რეალური კომპრომისების მიღწევას.

იმავდროულად, მიგვაჩნია, რომ დიალოგი ზოგადად არის ხელისუფლებას და ოპოზიციას შორის ურთიერთობის ნორმალური და დემოკრატიული ფორმატი. ამდენად, თუკი საკონსტიტუციო რეფორმის საკითხზე შედგა ხელისუფლების და ოპოზიციის თანამშრომლობის პოზიტიური პრეცენდენტი, იმედს გამოვთქვამთ, რომ მომავალში შესაძლებელი იქნება ამავე რეჟიმში განვიხილოთ საარჩევნო გარემოს, საგარეო პოლიტიკის და სხვა მნიშვნელოვანი საკითხებიც’’, - აცხადებენ ,,თავისუფალ საქართველოში.’’