პოლიტიკა

„თავისუფალი საქართველო“ მოუწოდებს საქართველოს ხელისუფლებას პოლიტიკურ ოპოზიციასთან ფართომასშტაბიანი დიალოგისკენ

ვენეციის კომისიის წარმომადგენელმა გააკეთა განცხადება, რომელშიც მიუთითა, რომ საპრეზიდენტო და საპარლამენტო არჩევნების სისტემის შეცვლა საჭიროებს კონსესუსს პოლიტიკურ ძალებს შორის.

ინფორმაციას ამის შეხახებ ,, ავისუფალი საქართველო’’ ავრცელებს.

,,როგორც ცნობილი გახდა, ვენეციის კომისიის წარმომადგენელმა გააკეთა განცხადება, რომელშიც მიუთითა, რომ საპრეზიდენტო და საპარლამენტო არჩევნების სისტემის შეცვლა საჭიროებს კონსესუსს პოლიტიკურ ძალებს შორის.

ეს არის იმ მთავარი არგუმენტის გამეორება, რომელსაც ბოლო რამოდენიმე თვის მანძილზე „თავისუფალი საქართველო“, სხვა არასაპარლამენტო პარტიები და არასამთავრობო ორგანიზაციები მიუთითებდნენ ხელისუფლებას, ხოლო მმართველი პარტია ჯიუტად უგულებელჰყოფდა ამ არგუმენტს.

„თავისუფალი საქართველო“ მიესალმება ვენეციის კომისიის პრინციპულ პოზიციას და მოუწოდებს საქართველოს ხელისუფლებას, გაიწვიოს უკან ანტიდემოკრატიული პროცესი, დაიწყოს პოლიტიკურ ოპოზიციასთან ფართომასშტაბიანი დიალოგი და მხოლოდ დიალოგისა და კონსესუსის შედეგად შეჯერებული პროექტი გადაუგზავნოს ვენეციის კომისიას’’, - ნათქვამია ,,თავისუფალი საქართველოს’’ განცხადებაში.