პოლიტიკა

`თავისუფალი დემოკრატები` და რესპუბლიკელები ადგილობრივი თვითმართველობის არჩევნებზე ერთად მიიღებენ მონაწილეობას

პარტია "თავისუფალი დემოკრატები" და რესპუბლიკური პარტია ადგილობრივი თვითმართველობის არჩევნებზე ერთად მიიღებენ მონაწილეობას. ამის შესახებ განცხადება ორივე პარტიის ლიდერმა ერთობლივ ბრიფინგზე გააკეთა.

„თავისუფალმა დემოკრატებმა“ გადავწყვიტეთ ერთიანი საარჩევნო სიით წარვსდგეთ თვითმმართველობის არჩევნებზე ამომრჩევლის წინაშე. გარდა ამისა, ჩვენი მიზანია მომავალ საპარლამენტო არჩევნებში მმართველი პოლიტიკური ძალა, რომელმაც ამომრჩეველი მოატყუა, ჩამოვაცილოთ ხელისუფლებას“, - განაცხადა "თავისუფალი დემოკრატების" ლიდერმა შალვა შავგულიძემ.

თავის მხრივ, როგორც რესპუბლიკური პარტიის ლიდერმა ხათუნა სამნიძემ აღნიშნა, რესპუბლიკელებს და თავისუფალ დემოკრატებს ხანგრძლივი გამოცდილება გვაქვს პარტნიორობის და თანამშრომლობის.

,, ჩვენ გავერთიანდით ერთ ბლოკად, მაგრამ ეს ერთობა განსაკუთრებით მნიშვნელოვანია დღევანდელ საქართველოში, დღეს შექმნილ რეალობაში.

დღესაც დაიღუპა ახალგაზრდა კაცი მშენებლობაზე და ჩვენი ხელისუფლება არ იცავს ადამიანის სიცოცხლის უფლებას და არ ცვლის კანონმდებლობას. დღესაც მივიღეთ კლანური სასამართლო, დღესაც გვისმენენ და გვითვალთვალებენ, დღესაც ლაპარაკობს ხელისუფლება ცენტრალიზაციაზე და არა ძლიერ თვითმმართველობებზე, სწორედ ამიტომ ამ რეალობის შესაცვლელად გავერთიანდით ჩვენ ერთ ბლოკად და როგორც ერთი ბლოკი ეს არის ჩვენი პოლიტიკური შემადგენელი ჩვენი ბლოკის, ჩვენ გვინდა შევქმნათ, შევთავაზოთ საზოგადოებას თავისფალი სივრცე",-განაცხადა ხათუნა სამნიძემ.

ნინო ექვთიმიშვილი