პოლიტიკა

თავდაცვის მინისტრის მხრიდან ყველაფერი გაკეთდება, რომ გამოძიებამ რეალური სურათი გვიჩვენოს - ეკა ბესელია

,,ქართული ოცნების“ წევრის ეკა ბესელიას განცხადებით, კრწანისის ეროვნულ საწვრთნელ ბაზაზე მომხდარ ინციდენტზე საუბრისას, პოლიტიკოსებს მეტი თავშეკავება მართებთ. ამის შესახებ ეკა ბესელიამ ოპოზიციის შეფასებების კომენტირებისას აღნიშნა, რომლის მიხედვითაც, თავდაცვის მინსიტრის განცხადებებმა შესაძლოა გავლენა მოახდინოს გამოძიების მიმდინარეობაზე. ეკა ბესელიას თქმით, ლევან იზორიას მხრიდან გაკეთდება ყველაფერი, რომ გამოძიებამ მიიღოს სწორი მიმართულება.

,,რადგან დაწყებულია გამოძიება, საჭიროა, რომ გამოძიებას ვაცალოთ. მე დარწმუნებული ვარ, რომ თავდაცვის მინისტრი არათუ არ შეუშლის ხელს, რომ გამოძიებამ მიიღოს სწორი მიმართულება, არამედ პირიქით, გაკეთდება ყველაფერი, რომ გამოძიებამ რეალური სურათი გვიჩვენოს და ვნახოთ, რა მოხდა სინამდვილეში და არ დარჩეს არცერთი კითხვა, რომელზედაც შეიძლება რაიმე პასუხი არ იყოს. ამიტომ, გამოძიების მუშაობა ახლა არის ყველაზე მნიშვნელოვანი და პოლიტიკოსების მხრიდან საჭირო არის ამ ეტაპზე მეტი თავშეკავება“, - განაცხადა ეკა ბესელიამ.

მარი ნამგალაძე