პოლიტიკა

თავად მირზა სუბელიანთან მე არანაირი კონტაქტი არ მქონია - ზვიად ფხაკაძე

ხორავას ქუჩაზე მოზარდების მკვლელობის საქმის პროკურორის, ზვიად ფხაკაძის განცხადებით, მან დაკითხვამდე ნახევარი საათით ადრე შეიტყო, რომ ინციდენტში პროკურატურის ყოფილი მაღალჩინოსნის, მირზა სუბელიანის შვილიც მონაწილეობდა.

„ამის შესახებ ინფორმაცია მივიღე, როდესაც ა.ს. იკითხებოდა, შესაძლოა ნახევარი საათით ადრე. თავად მირზასთან მე არანაირი კონტაქტი არ მქონია. ვნახე, რომ იკითხებოდა მამასთან ერთად, თუმცა კომუნიკაცია არ მქონია“, - განაცხადა ფხაკაძემ.

შსს-ის წარმომადგენლის, კახა სირაძის ინფორმაციით, მანაც დაკითხვის დროს შეიტყო აღნიშნულის შესახებ.

ცნობისთვის, ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისიის დღევანდელ სხდომაზე შინაგან საქმეთა სამინისტროს წარმომადგენელ კახა სირაძესა და საქმის პროკურორ ზვიად ფხაკაძეს უსვამენ კითხვებს.