პოლიტიკა

თამაზი ჩემს მზეს ლოცულობდა და დღე და ღამე ჩემს სადღეგრძელოს სვამდა - ქუცნაშვილი ნეპოტიზმზე (ვიდეო)

„ქართული ოცნების“ ყოფილი დეპუტატი და მთიანეთის მერობის კანდიდატი თამაზ მეჭიაური პარლამენტარ ზაქარია ქუცნაშვილის ნათესავი აღმოჩნდა. ამის შესახებ ქუცნაშვილმა რუსთავი 2-ის გადაცემა „არჩევანში“ თქვა.

სწორედ ნათესაური კავშირის გამო მიიყვანა მან მეჭიაური „ქართულ ოცნებაში“.

„თამაზ მეჭიაურის მამა და დედაჩემის დედა იყვნენ ალალი და-ძმა. ეს ნათესაური კავშირი მე, როგორც მთიელს, მავალდებულებს, ყველა მთიელზე ვიზრუნო“, - თქვა ქუცნაშვილმა.

ქუცნაშვილის თქმით, ამ ფაქტს დაადასტურებენ გელა ხვედელიძე და მამუკა არეშიძე, რომლებიც მეჭიაურის პარტიაში გაწევრიანებას დათანხმდნენ მისი „არასახარბიელო“ წარსულის მიუხედავად.

ანა მებურიშვილი