კომენტარი

თამარ ჩუგოშვილი - ანა დოლიძეს განცხადებაზე: ძალიან ცუდი სპეკულაციაა

საპარლამენტო უმრავლესობის წევრის, პირველი ვიცე-სპიკერის, თამარ ჩუგოშვილის განცხადებით, საკონსტიტუციო კომისიაზე მუშაობა არ ნიშნავს, რომ მთავრობა ქვეყნისთვის სხვა მნიშვნელოვან საკითხებს მოაკლებს ყურადღებას.

ამის შესახებ ჩუგოშვილმა, პრეზიდენტის საპარლამენტო მდივნის ანა დოლიძის მიერ გაკეთებული განცხადების კომენტირებისას აღნიშნა, რომლის მიხედვით,დღეს ქვეყნის წინაშე ბევრად უფრო მნიშვნელოვანი ეკონომიკური პრობლემები დგას, ვიდრე საკონსტიტუციო კომისიის შექმნაა.

„ძალიან ცუდი სპეკულაციაა, იმიტომ, რომ საკონსტიტუციო კომისიის მუშაობა რატომ ნიშნვას, რომ რაიმე სხვა მნიშვენლოვან საკითხს აკლდება ყურადღება. რა თქმა, არავითარ შემთხვევაში არ აკლდება, და რა თქმა უნდა, ხელისუფლების მთავარი ინტერესი არის სწორედ ეკონომიკური მდგომარეობა ჩვენი მოსახლეობის, სამუშაო ადგილები, სოციალური მდოგმარეობა - ეს არის მთავარი პრობლემა. მაგრამ, ჩვენ არ უნდა ვთქვათ, მაგალითად, რომ თუკი საკონსტიტუციო კომისიაზე დავიწყდებთ მუშაობას, ამით ჩვენ ვაკლებთ ყურადღებას სხვა საკითხებს“,-აღნიშნა ჩუგოშვილმა.

მონიკა დავლიანიძე