სამართალი

სწორედ ესაა ჩემი პრობლემა,რომ მე ვერ ვღალატობ და არ ვუღალატებ ქართველ ხალხს, წესიერებას და კანონს - ზაზა ოქუაშვილი (ვიდეო)

,,ომეგა ჯგუფის" დამფუძნებელი, აჭარის უმაღლესი საბჭოს დეპუტატი ზაზა ოქუაშვილი პარლამენტის თავმჯდომარის გუშინდელ განცხადებას გამოეხმაურა, რომელშიც ირაკლი კობახიძემ ფარულ აუდიოჩანაწერებზე საუბრისას აღნიშნა, რომ ,,როდესაც ოქუაშვილი ლაპარაკობს, ის პრაქტიკულად საკუთარ დანაშაულზე საუბრობს".

,,პარლამენტის თავმჯდომარე ნამდვილად არ არის იმ სიაში, ვისაც პასუხის გაცემა მოუწევს ინგლისის სასამართლოში. ამიტომ ის, შესაძლოა ჩამორჩა მოვლენებს, ან არ იცნობს კარგად ამ ისტორიებს, რომლებიც იკრიბება ბოლო დროს, ამიტომ, შეიძლება ასეთი მცდარი აზრი ჰქონდეს.

რაც შეეხება ჩემზე გაკეთებულ განცხადებას, მე ვფიქრობ, რომ სწორედ ეს არის ჩემი პრობლემა, რომ ვერ ვღალატობ და არ ვუღალატებ ქართველ ხალხს, არ ვუღალატებ წესიერებას და კანონს. სწორედ ეს არის პრობლემა, რომ არ გადავეცი მათ პარტიას 75 %, ,,ოცნების" პარტიაზე მაქვს საუბარი . ამიტომაც დღეს მივიღე ის, რომ 100% თვითონ წაიღეს, კი ბატონო. არ გვამუშავებენ, არ ამუშავებენ ჩვენს 1500 ადამიანს. სწორედ ეს არის პრობლემა, რომ არ გადავეცი, არ მივეცი ქრთამი და ვებრძოდი გამოძალვას ბოლო ძალებით, რისი საშუალებაც საქართველოში შეიძლებოდა მქონოდა.

პარლამენტის თავმჯდომარე რომ გაცნობოდა ამას, ალბათ ასე არ ისაუბრებდა. სხვა შემთხვევაში მისი საუბარი და მისი მხრიდან ასეთი აგრესიის გამოხატვა გამოდის არგუმენტის გარეშე", - განაცხადა ზაზა ოქუაშვილმა.