სამართალი

სტრასბურგის სასამართლოში „თალიკო თხელიძე საქართველოს წინააღმდეგ“ სარჩელში მოპასუხე მხარე იუსტიციის სამინისტრო იქნება

სტრასბურგის ადამიანის უფლებათა ევროპულ სასამართლოში „თალიკო თხელიძე საქართველოს წინააღმდეგ“ სარჩელში მოპასუხე მხარე, საქართველოს იუსტიციის სამინისტრო იქნება.

ამის შესახებ მედიას იუსტიციის მინისტრმა თეა წულუკიანმა განუცხადა.

მისი თქმით, სწორედ გამომდინარე ამ გარემოებიდან ის ამ ეტაპზე დაწვრილებით კომენტარისგან თავს შეიკავებს.

„ზოგადად, ვფიქრობ, რომ საქართველომ გადადგა ძალიან დიდი ნაბიჯი წინ, როდესაც რატიფიკაცია გააკეთა სტამბულის კონვენციის,რომელიც ქალის მიმართ ძალადობის ბრძოლაში არის ერთ-ერთი საუკეთესო ინსტრუმენტი და ეს არ ეხება ქალის მიმართ ძალადობას მხოლოდ ოჯახში. ეს ეხება ქალის მიერ ძალადობას ნებისმიერ გარემოში, მათ შრის სამსახურში. რაკი საჩვარი არის შესული ამ კონკრეტულ საქმეზე სტრასბურგის სასამართლოში, იუსტიციის სამინისტრო იქნება მოპასუხე მხარე, ამიტომ წინასწარ კომენტარისგან თავს შევიკავებ“,-აღნიშნა იუსტიციის მინისტრმა.

სტრასბურგის ადამიანის უფლებათა ევროპულმა სასამართლომ წარმოებაში „თალიკო თხელიძე საქართველოს წინააღმდეგ“ საქმე მიიღო.

საქმე ეხება 2014 წელს ილიას სახელობის უნივერსიტეტში მომხდარ მკვლეობას.

2014 წლის 17 ოქტომბერს, ლექტორი მაკა წივწივაძე ყოფილმა ქმარმა უნივერსიტეტში მოკლა.

მოკლულის ოჯახის წევრების სარჩელში ნათქვამია, რომ მომხდარ ტრაგედიამდე წივწივაძემ სამართალდამცავ ორგანოებს დაცვის თხოვნით არაერთხელ მიმართა, თუმა პოლიციამ მისი უსარფთხოების უზრუნველყოფა ვერ შეძლო.

სარჩელში გარდაცვლილის იოჯახი მორალური ზიანის ანაზღაურების გარდა, იმ პოლიციელების დასჯას ითხოვს, რომლებმაც მაკა წივწივაძის საჩივრებზე რეაგირება არ მოახდინა.

მონიკა დავლიანიძე