სამართალი

სოსო გოგაშვილი იმის შემსრულებელია, რაც საპატრიარქოში დაიწერა - მიხეილ რამიშვილი

ე.წ ციანიდის საქმეზე ბრალდებულის ადვოკატის, მიხეილ რამიშვილის განცხადებით, დღეს, საპატრიარქოში მიიღებენ გადაწყვეტილებას,თუ როდის აზიარებენ საპატიმროში მყოფ მამა გიორგი მამალაძეს.

როგორც რამიშვილმა მედიას განუცხადა, მისი ინფორმაციით, დეკანოზის აღნიშნული მოთხოვნა დაკმაყოფილდება.

„გუშინ მამა გიორგისთან იყო შებრძანებული მამა იაკობი. როგორც ჩემთვის არის ცნობილი, ზიარების საკითხთან დაკავშირებით დღეს უნდა მიიღონ საპატრიარქოში გადაწყვეტილება, და როგორც ვიცი, ამ თხოვნას, მოთხოვნას მამა გიროგისას ზიარების თაობაზე, ალბათ, დააკმაყოფილებენ”.

ადვოკატმა სახელმწიფო უსაფრთხოების სამსახურის ხელმძღვანელის მოადგილე სოსო გოგაშვილზეც ისაუბრა, და აღნიშნა, რომ მამა გიორგის ციანიდი ჩაუდეს და ამ პროცესს სწორედ სოსო გოგაშვილი ხელმძღვანელობდა, რომლის შვილის ნათლია მეუფე იაკობია.

„სოსო გოგაშვილი, ჩემი შეფასებით და საქმის მასალებიდან გამომდინარე არის იმისი შემსრულებელი, რაც ქონდათ მოთხოვნა, და რისი სცენარიც დაიწერა საპატრიარქოში. ციანიდი არის ჩადებული, ციანიდი არ არის შეძენილი, ციანიდს მამა გიორგი ვერ შეიძენდა. ვინ ჩადებდა ამას? ის ადამიანები, ვინც ამას ყველაფერს ხელმძღვანელობდა:თვალთვალს, მიყურადებას, ვიდეოჩანაწერებს. ამას ახორციელბდა სუს-ი. ვინ არის ხელმძღვანელი? არის ერთი ვახტანგ გომელაური და მას რამდენიმე მოადგილე ყავს,ერთი კი, სოსო გოგაშვილი. ვინ არის სოსო გოგაშვილი? გოგაშვილის შვილის ნათლია მეუფე იაკობია. ჩადებულია ეს ციანიდი“,-აღნიშნა ადვოკატმა.

მონიკა დავლიანიძე