სამართალი

სმიტების ოჯახის მკვლელობაში ბრალდებულს ხვალ შემთხვევის ადგილზე წაიყვანენ

სმიტების ოჯახის მკვლელობაში ბრალდებულ მალხაზ კობაურს ხვალ შემთხვევის ადგილზე წაიყვანენ, სადაც სამართალდამცვლებისა და ადვოკატების თანდასწრებით მან უნდა აღწეროს ის ვითარება, რაც ხადას ხეობაში მკვლელობის დღეს ნახა.

ბრალდებულის ადვოკატი ალექსანდრე კობაიძე დარწმუნებულია, რომ ეს ექსპერიმენტი ყველა იმ კითხვას გასცემს პასუხს, რომელიც ტრაგედიასთან დაკავშირებით არსებობს.

ამასთან, დღეს ბრალდებულ კობაურს დაცვის მხარე კიდევ ერთხელ გამოკითხავს.

„კობაური გავა დანაშაულის ადგილზე, აღწერს ვითარებას თუ რა მოხდა, როგორ მოხდა, იმ ფაქტობრივ გარემოებებს, რასაც დაცვის მხარეს მიაწვდის ინფორმაციას. მე ვფიქრობ ყველაფერს პასუხი გაეცემა. მით უმეტეს პასუხი გაეცემა იმას, რატომ არის ამდენი ცდომილება საქმეში ბრალდების მხარის მიერ დაშვებული,“-განაცხადა ადვოკატმა ალექსანდრე კობაიძემ.