პოლიტიკა

სითი პარკთან დაკავშირებით დავით ნარმანიას ტელედებატებში ვიწვევ - ალექსანდრე ელისაშვილი

თბილისის საკრებულოს დამოუკიდებელი დეპუტატის ალექსანდრე ელისაშვილის განცხადებით, დედაქალაქში ტრანსპორტის სისტემა ვერ მოწესრიგდება, სანამ პარკინგის შესაბამისი ინფრასტრუქტურა არ შეიქმნა.

ამის შესახებ ელისაშვილმა, თბილისის 2017 წლის ბიუჯეტის ნაწილის გაცნობის კომენტირებისას მედიას განუცხადა.

„ტრანსპორტის სისტემა ვერ მოწესრიგდება ქალაქში თუ არ გაწყდა სითი პარკთან კონტრაქტი და თუ არ შეიქმნა პარკინგის ისნფრასტრუქტურა. ნარმანია არის ქალაქის მიერ არჩეული საჯარო პირი, ამდენად, მე მას ვიწვევ სითი პარკის საკითხებთან დაკავშირებით ტელედებატებში. უახლოეს დღეებში, სანამ ბიუჯეტი დამტკიცებულა“,-აღნიშნა დეპუტატმა.

ელისაშვილს ასევე შენიშვნა ავარიულ შენობებთან დაკავშირებით აქვს. მისი თქმით, 2017 წლის ბიუჯეტში გათვალისწინებული თანხით, მხოლოდ 45 შენობის შეკეთება მოხერხდება.

„2 ათასი ავარიული კორპუსია თბილისში, და 12 ათასი ავარიული შენობა. ბიუჯეტი იქნება დაახლოებით 21 მილიონი ლარი წელს, რაც მხოლოდ 40-45 სახლის გამაგრების შესაძლებლობას იძლევა შეგახსენებთ, რომ თბილისის საკრებულოს დედაქალაქის 2017 წლის ბიუჯეტის პროექტი გუშინ საღამოს გაეგზავნა.

საკრებულოს 10-დღიანი ვადა აქვთ იმისთვის, რომ შესაბამისი შენიშვნები შეიმუშავონ და მერიას ბიუჯეტის ჩასწორებული ვარიანტი გადაუგზავნონ.

მონიკა დავლიანიძე