პოლიტიკა

„სითი ინსტიტუტ საქართველომ“ თბილისის მერიას მიწათსარგებლობის განახლებული გენგეგმა დღეს უნდა წარუდგინოს

„სითი ინსტიტუტ საქართველომ“ თბილისის მერიას მიწათსარგებლობის განახლებული გენერალური გეგმა დღეს უნდა წარუდგინოს.

გენგეგმაზე მომუშავე ჯგუფს 45-დღიანი ვადა სწორედ დღეს ეწურება.

მერიის შენიშვნები ძირითადად ეხებოდა ზონირებას, ტრანსპორტს, რკინიგზას, კულტურული მემკვიდრეობის დამცავ ზონებს, ეფექტიანობის შეფასებას, განხორციელების ეტაპებს, რიგითობას და ეკონომიკას.

როგორც გენგეგმაზე მომუშავე ჯგუფის ხელმძღვანელი მამუკა სალუქვაძე აცხადებდა, დედაქალაქის მიწათსარგებლობის გენერალურ გეგმაში ძირეული ცვლილებები არ იქნება, რადგან ძირეული შენიშვნები დედაქალაქის მერიას არ ჰქონია.

შეგახსენებთ, რომ მიწათსარგებლობის გენერალური გეგმის 5 ეტაპი უკვე დამტკიცებულია, მე-6 საბოლოო ეტაპზე მერიამ ჯგუფი ერთი და იმავე შენიშვნის სამჯერ გაუთვალისწინებლობისთვის გასული წლის დეკემბერში 140 ათასი ლარით დააჯარიმა და შენიშვნების გამოსასწორებლად 45-დღიანი ვადა მისცა.