საზოგადოება

„სილქნეტმა“ „დაჭრილ მებრძოლთა თანადგომის ფონდის“ მხარდასაჭერად საქველმოქმედო სადილი გამართა

კომპანია „სილქნეტის“ მიერ გამართული საქველმოქმედო სადილი საზოგადოებაში ფონდის ცნობადობის ამაღლებასა და დაჭრილ მეომართა ზრუნვის საქმეში სხვადასხვა კომპანიების, ბიზნესმენების და საზოგადოების წევრთა ჩართულობას ისახავდა მიზნად. ღონისძიებას ესწრებოდნენ ბიზნეს კომპანიები, დიპლომატიური კორპუსი, სამხედრო ატაშეები, თავდაცვის სამინისტროსა და თავდაცვის სფეროში თანამშრომლობის სამსახურის წარმომადგენლები, ნატო-საქართველოს არსებითი პაკეტის ძირითადი ჯგუფი, ასევე, ქვეყნის ერთიანობისათვის საბრძოლო მოქმედებებში მონაწილე დაჭრილი მებრძოლები, ვეტერანები, მედია და სხვადასხვა სფეროში მოღვაწე საზოგადოების წევრები.

ფონდის თანადგომაში მეტი ჩართულობისთვის, „სილქნეტმა“ შექმნა საქველმოქმედო ნომერი: 0 901 777 771. „სილქნეტის“ მობილური და ფიქსირებული ქსელის აბონენტების მიერ ამ ნომერზე დარეკვისას ჩამოჭრილი ერთი ლარი მთლიანად ირიცხება ფონდის ანგარიშზე.

საგანგებოდ შეიქმნა ფონდის ვებ გვერდი: www.wwsf.ge, სადაც ყველა საჭირო ინფორმაციაა, როგორც შემომწირველებისთვის, ისე ბენეფიციარებისთვის. ასევე, განთავსებულია ყველა სიახლე და ფონდის საქმიანობის განახლებადი ანგარიში.

„დაჭრილ მებრძოლთა თანადგომის ფონდი“ „სილქნეტმა“ ზაფხულში დააფუძნა. დაფუძნებისთანავე ფონდის ანგარიშზე „სილქნეტმა“ და დაცვის სამსახურმა, კომპანია „დეტმა“ ფონდის ანგარიშზე ერთობლივად 120 000 ლარი შეიტანეს (100 000 - კომპანია „სილქნეტი“ და 20 000 კომპანია „დეტი“). ფონდი უკვე დაეხმარა რამდენიმე ბენეფიციარს.