სამართალი

შუბლზე დამადო იარაღი და მითხრა, გავიხსენო თორემ ადგილზე მომკლავდა- ირაკლი გედენიძე

თბილისის საქალაქო სასამართლოში, ე.წ ფოტოგრაფების საქმის ერთ-ერთ დაზარალებული ირაკლი გედენიძე დაიკითხა.

სასამართლო პროცესზე გედენიძემ დეტალურად გაიხსენა მისი დაკავების დღე.

“გამთენიისას, გავიარეთ ბოლომდე ჯიქიას ქუჩა და მანქანამ გააგრძელა სვლა ჯიქიას სასაფლაოს მიმართულებით.

დამიწყეს ცემა, თან მაგინებდნენ. აყვანის და ძირს დაგდების მომენტში ყველას ეკეთა ნიღბები, თან მეუბნებოდნენ, რომ გავიხსენო თუ ვისთან ერთად ვჯაშუშობდი და შემდგომ ვის ვაწვდიდი ინფორმაციას.
პიროვნებამ, რომელსაც მიუხედავად იმისა, რომ ნიღაბი ეკეთა, მარცხენა მხარეს ვინც მეჯდა მანქანაში, ამოიღო იარაღი ქამრიდან, გადატენა და სახეზე მომიშვირა, შუბლზე დამადო და მითხრა, რომ გავიხსენო თორემ ადგილზე მომკლავდა.

გადმომიყვანეს მანქანიდან და შემიყვანეს მოდულის შენობაში. დევნოზაშვილმა და იმ ოქროს ჯაჭვიანმა პიროვნებამ, გამიყვანეს დერეფანში და უკნიდან ხმამაღლა მითხრა ოქროს ჯაჭვიანმა, რომ კეფაზე დამელაგებინა ხელები და ისე გამევლო ეს დერეფანი. ეს ბრძანება შევასრულე და შემდგომ დევნოზაშვილის ხმა იყო, რომ გავჩერებულიყავი და დამეჩოქა. ეს მოთხოვნაც შევასრულე. დაახლოებით ნახევარ წუთამდე ვიყავი დაჩოქილი“,-განაცხადა გედენიძემ.

მონიკა დავლიანიძე