სამართალი

შსს-ში სოსო რობაქიძის დაკავებას არ ადასტურებენ

შინაგან საქმეთა სამინისტროში სოსო რობაქიძისა და მისი ძმის, ვასიკო რობაქიძის დაკავების შესახებ ინფორმაციას არ ადასტურებენ.

,,შსს-ს მიერ დაკავების შესახებ ინფორმაცია არ დასტურდება’’, - განუცხადეს მედიანიუსს შინაგან საქმეთა სამინისტროს პრესსამსახურში.

ბუტა რობაქიძის მამის და ბიძის დაკავების შესახებ ინფორმაცია სოციალურ ქსელში ჟურნალისტმა ზაზა დავითაიამ გაავრცელა.

მისი განცხადებით, რობაქიძეები პატრულმა დააკავა და თაბუკაშვილის ქუჩაზე მდებარე პოლიციის განყოფილებაში გადაიყვანა.

,ნაცების მიერ სადისტურად მოკლული ბუტა რობაქიძის მამა და ბიძა, სოსო და ვასიკო რობაქიძეები რამდენიმე წუთის წინ პატრულმა დააკავა და ახლა თაბუკაშვილის ქუჩაზე მდებარე პოლიციის განყოფილებაში იმყოფებიან.. ეს ამბავი დიტო ჩუბინიძემ გადმომცა, რომელთანაც ვასიკო რობაქიძეს მოუხერხებია დაკავშირება.. სოსო რობაქიძე ახალნაოპერაციებია. იმედია, მის სიცოცხლეს საფრთხე არ ემუქრება.. დაკავების მიზეზი არ ვიცი, მაგრამ ის ზუსტად ვიცი, რომ უამრავი სისხლიმსმელი, კონკრეტული დანაშაულის ჩამდენი ნაცი მშვიდად დადის ქუჩაში და დასჯის ნაცვლად, პირიქით ემუქრება საზოგადოებას! ვინ აგვიხსნის, რა ხდება?”, – წერს დავითაია სოციალური ქსელის პირად გვერდზე.

ნინო ექვთიმიშვილი