სამართალი

შსს-მ ფაშისტური მოძრაობის ლიდერი დააკავა

შსს-მ ფაშისტური მოძრაობა „საქართველოს ეროვნული ერთობის“ ლიდერი გიორგი ჭელიძე დააკავა.

ჭელიძე სსსკ-ის 236-ე მუხლის საფუძველზე დააკავეს, რაც იარაღის უკანონო შეძენა-შენახვა-ტარებას გულისხმობს და 2-დან 5 წლამდე თავისუფლების აღკვეთას ითვალისწინებს.

შსს-ის ცნობით, მისი ბინის ჩხრეკისას პოლიციამ სხვადასხვა ტიპის იარაღი და 28 ვაზნა ამოიღო, რაზეც ექსპერტიზები დაინიშნა.

27 აგვისტოს „საქართველოს ეროვნულმა ერთობამ“ სოციალურ ქსელში ვიდეო გაავრცელა, რომელშიც ჩანს, როგორ ისვრის მოძრაობის რამდენიმე წევრი. პოსტს „ფაშისტური კვირადღე“ ერქვა და მასში მითითებული იყო, რომ მოძრაობის წევრები „ყოველ კვირას რეგულარულად ვარჯიშობენ ბუნების წიაღში“. სწორედ ამ ვიდეოს საფუძველზე შსს-მ გამოძიება დაიწყო.