პოლიტიკა

შსს ყველაფერს გააკეთებს იმისთვის მთავრობასთან ერთად, რომ ინაუგურაციის დროს არ იყოს რაიმე ექსცესები დაშვებული - თეა წულუკიანი

იუსტიციის მინისტრმა თეა წულუკიანმა ინაუგურაციის დღეს გაერთიანებული ოპოზიციის მიერ თელავის ცენტრში დაანონსებულ აქციაზე საუბრისას განაცხადა, რომ ხელისუფლება ინაუგურაციის დღეს ექსცესების თავიდან აცილების მიზნით ყველაფერს გააკეთებს.

„ყველას აქვს გამოხატვის თავისუფლება. რა თქმა უნდა, ყოველთვის სჯობს ხოლმე, რომ შიდა კანონი იყოს დაცული, მაგრამ თუ არასანქცირებული შეკრება იქნება, მიუხედავად ამ ფორმისა, გამოხატვის თავისუფლება არის მთავარი, ოღონდ მას აქვს ზღვარი. ზღვარი გადის იქ, რომ არ უნდა დაირღვეს საზოგადოებრივი წესრიგი, რომ ეს აქცია უნდა იყოს მშვიდობიანი, ამას ითხოვს ასევე ევროპული სტანდარტი. ხოლო როგორც ყოველთვის, აქაც ჩვენ, რა თქმა უნდა, ვიცით, რომ შსს ყველაფერს გააკეთებს იმისთვის მთავრობასთან ერთად, რომ არ იყოს რაიმე ექსცესები დაშვებული“, - განაცხადა წულუკიანმა.