პოლიტიკა
შს მინისტრი მოადგილე საფრანგეთის საელჩოს მიერ ორგანიზებულ სემინარს დაესწრო
შინაგან საქმეთა მინისტრის მოადგილემ, მერაბ მალანიამ და შსს-ს ცენტრალური კრიმინალური პოლიციის დეპარტამენტის დირექტორმა, დავით ნატრიაშვილმა, თბილისში, საქართველოში საფრანგეთის რესპუბლიკის საელჩოს შიდა უსაფრთხოების ატაშეს ორგანიზებით ჩატარებულ სემინარში - „ორმხრივი თანამშრომობა ევრაზიული ტრანსნაციონალური ორგანიზებული დანაშაულის წინააღმდეგ ბრძოლის მიმართულებით“ მონაწილეობა მიიღეს.
საქართველოს შინაგან საქმეთა სამინისტროს ინფორმაციით, აღნიშნულ სემინარზე დასასწრებად საფრანგეთიდან თბილისში ჩამოვიდნენ:
საფრანგეთის კრიმინალური პოლიციის წარმომადგენელი - ნიკოლას გონგორა, საფრანგეთის ეროვნული ჟანდარმერიის წარმომადგენელი - ჟილ ვეინცი, საფრანგეთის კრიმინალური პოლიციის დაზვერვის დეპარტამენტის ორგანიზებული დანაშაულის სტრატეგიული ანალიზის დანაყოფის უფროსი - სესილ ოჟერო, პარიზის პროკურატურის წარმომადგენელი - დამიენ ბრუნე, ნენსის პროკურატურის წარმომადგენელი - ჟან რიშე, საფრანგეთის შსს-ს საერთაშორისო ურთიერთობათა დირექტორატის ევროპის ოფისის უფროსი - დავიდ ბისტუ, საფრანგეთის რესპუბლიკის შიდა უსაფრთხოების ატაშე რუსეთის ფედერაციაში - სტივენ ლე ლუა, საფრანგეთის რესპუბლიკის შიდა უსაფრთხოების ატაშე უკრაინაში - სტეფანე კროზე, საფრანგეთის რესპუბლიკის შიდა უსაფრთხოების ატაშე თურქეთის რესპუბლიკაში - გურკან კარასუ, საფრანგეთის რესპუბლიკის შიდა უსაფრთხოების ატაშე საბერძნეთის რესპუბლიკაში - ოლივიე რენო; საფრანგეთის რესპუბლიკის იუსტიციის სამინისტროს წარმომადგენელი - გრეგორი გავრელი.
შეხვედრაზე მხარეებმა ხაზგასმით აღნიშნეს საერთაშორისო საპოლიციო თანამშრომლობისა და ორგანიზებული დანაშაულის წინააღმდეგ ერთობლივი ღონისძიებების მნიშვნელობა, ტერორიზმისა და კიბერუსაფრთხოების კუთხით არსებული გამოწვევები განიხილეს და ტრანსნაციონალური დანაშაულის წინააღმდეგ ერთობლივი ბრძოლის მეთოდებზე იმსჯელეს.
სემინარის მონაწილეებმა ასევე ისაუბრეს საქართველოსა და საფრანგეთს შორის არსებულ წარმატებულ საერთაშორისო საპოლიციო და სამართლებრივ თანამშრომლობაზე. მხარეებმა ერთმანეთს ორგანიზებული დანაშაულისა და ე.წ.
კანონიერი ქურდების წინააღმდეგ ბრძოლის სფეროში გამოცდილებაც გაუზიარეს.
ვიზიტის ფარგლებში, საფრანგეთის დელეგაციის წევრებმა საქართველოს შინაგან საქმეთა სამინისტროს მაღალტექნოლოგიური და მულტიფუნქციური ერთობლივი ოპერაციების ცენტრი დაათვალიერეს. შსს-ს წარმომადგენლები მათ ცენტრის შექმნის მიზანზე, დანიშნულებასა და ფუნქციებზე ესაუბრნენ. სტუმრები შსს-ში განხორციელებულ და მიმდინარე პროექტებს გაეცნენ, მათ შორის, ერთ-ერთ ყველაზე მასშტაბურ პროექტს - „უსაფრთხო ქალაქი, უსაფრთხო რეგიონი, უსაფრთხო ქვეყანა“, რომელიც მთელი ქვეყნის ტერიტორიაზე ვიდეომონიტორინგის სისტემის შექმნას და საპოლიციო საქმიანობაში თანამედროვე ტექნოლოგიების უფრო მეტად გამოყენებას გულისხმობს.
დელეგაციის წევრები თბილისის პოლიციის დეპარტამენტის ვაკე-საბურთალოს სამმართველოს პოლიციის 1-ლი განყოფილებასაც ეწვივნენ.
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
