პოლიტიკა

შეშით ამომრჩევლის მოსყიდვა - გაერთიანებული ოპოზიცია „ქართულ ოცნებას“ მორიგ ბრალდებას უყენებს

გაერთიანებული ოპოზიციის წევრის, ბაჩუქი ქარდავას განცხადებით, ზუგდიდში „ქართული ოცნების“ მიერ ამომრჩევლის მოსყიფვის ფაქტები დაფიქსირდა.

მისი ინფორმაციით, სატყეო დეპარტამენტის მანქანები არჩევნებში სალომე ზურაბიშვილის მხარდაჭერის სანაცვლოდ ზუგდიდის რამდენიმე სოფლის მოსახლეობას შეშას ურიგებენ.

„ვინ მართავს შინაგან საქმეთა სამინისტროს, ჩვენთვის ცოტა გაუგებარია, მაშინ, როდესაც შინაგან საქმეთა მინისტრი დაკავებულია ძველ ბიჭებთან და ქუჩის ბიჭებთან ფლირტით. ჩვენ აქ გვაქვს კადრები, სამეგრელო-ზემო სვანეთის ხე-ტყის დეპარტამენტის უფროსის მოადგილე, ვინმე მამუკა გადელია, დაბარებული იქნა „ქართული ოცნების“ ოფისში და მას პირდაპირ მიეცა მითითება, რომ უზრუნველყო პოლიციის მანქანების დახმარებით სამეგრელოს სოფლებში იმ ადამიანებისთვის, ვინც მათ დაპირდა ხმის მიცემას ზამთრისთვის შეშის შეტანა“,- თქვა ქარდავამ.