პოლიტიკა

შემცირება შეეხება ადმინისტრაციულ ნაწილს - მიხეილ გიორგაძე

კულტურისა და ძეგლთა დაცვის მინისტრის მიხეილ გიორგაძის განცხადებით, კულტურისა და ძეგლთა დაცვის სამინისტროსა და სპორტისა და ახალგაზრდობის საქმეთა სამინისტროს სპორტის კომპონენტის შეერთება გამოიწვევს შემცირებებს უწყების ადმინისტრაციულ ნაწილში.

„წინასწარ მინდა ვთქვა, რომ ჩვენ მაქსიმალურად ვინარჩუნებთ დარგობრივ მიმართულებას, სპორტს ვგულისხმობ, ბუნებრივია, და კულტურას. ადმინისტრაციული ხარჯების ნაწილში იქნება გარკვეული ოპტიმიზაცია. კადრების შემცირებებს ვვარაუდობთ, თუმცა კიდევ ერთხელ ვამბობ, ეს შემცირება შეეხება ადმინისტრაციულ ნაწილს, დარგობრივ ნაწილში ჩვენ პრაქტიკულად სრულად ვინარჩუნებთ კადრებს, რომლებიც მართლაც მაღალპროფესიონალური კადრები არიან. ჩვენ არცერთი ადამიანის, არცერთი პროფესიონალის დაკარგვა არ გვინდა“,- განაცხადა მინისტრმა.

გიორგაძის ვარაუდით, ოპტიმიზაციაზე მუშაობას სამი თვე არ დასჭირდება.