პოლიტიკა

„შემაშფოთებელი იყო ტელეკომპანია „იბერიისა“ და „ომეგა ჯგუფის“ ირგვლივ გავრცელებული მოვლენები - პრეზიდენტი

საქართველოს პრეზიდენტმა გიორგი მარგველაშვილი ტელეკომპანია „იბერიასა“ და „ომეგა ჯგუფის“ საქმეს საგანგებო ბრიფინგზე გამოეხმაურა.

„შემაშფოთებელი იყო ტელეკომპანია „იბერიისა“ და „ომეგა ჯგუფის“ ირგვლივ გავრცელებული მოვლენები.

მე არ ვაფასებ ფარულ ჩანაწერებს და ეს სტანდარტი მინდა შევინარჩუნო. მე ვაფასებ იმ პოლიტიკურ რეაქციას, რომელიც იქნა გამოვლენილი, ბრალდებებს არაფორმალური, კრიმინალური ჯგუფების ჩარევისა, რეკეტის და სახელმწიფო ხელისუფლების ბოროტად გამოყენების თვალსაზრისით, პასუხი გაეცა, რომ ეს საკითხები, თურმე, ღიმილისმომგვრელი და სასაცილოა.

ეს საკითხები ქართული საზოგადოებისთვის მძიმეა და მიუღებელი. თუ ეს არაადეკვატურ ღიმილს და სიცილს იწვევს, ჩემი აზრით, ეს თავისთავად პრობლემურია, პოლიტიკური ძალის მიერ არაადექვატური ღიმილი, რომელსაც პასუხისმგებლობა აქვს აღებული, არ მიმაჩნია სწორად“, - განაცხადა გიორგი მარგველაშვილმა.