პოლიტიკა

შეიქმნას ქუცნაშვილის საქმიანობის შემსწავლელი საპარლამენტო კომისია და პარლამენტს ერთი პარაზიტი მოაკლდება - თამაზ მეჭიაური

თიანეთის მერის არჩევნებში გამარჯვებული თამაზ მეჭიაური საქართველოს პარლამენტს მიმართავს, რომ „ქართული ოცნების“ წევრის, ზაქარია ქუცნაშვილის საქმიანობის შემსწავლელი კომისია შეიქმნას.

როგორც მეჭიაურმა Facebook-ში პირად გვერდზე დაწერა, იგი დარწმუნებულია, რომ გამოძიების შედეგად პარლამენტს „ერთი პარაზიტი მოაკლდება“.

„მივმართავ საქართველოს პარლამენტს, საპარლამენტო უმრავლესობას, შეიქმნას ქუცნაშვილის საქმიანობის შემსწავლელი საპარლამენტო კომისია.

ასევე, შესაბამისმა ორგანოებმა გამოიძიონ მის მიერ ჩემს მიმართ წამოყენებული ბრალდებები. დარწმუნებული ვარ პარლამენტს ერთი პარაზიტი მოაკლდება!

p.s. თუ მისი ერთი ბრალდება მაინც დადასტურდა, მზად ვარ პასუხი ვაგო“,-წერს მეჭიაური.

ზაქარია ქუცნაშვილმა ერთ-ერთ გადაცემაში თამაზ მეჭიაურზე საუბრისას განაცხადა, რომ მას “კორუმპირებულ ჩინოვნიკად იცნობდნენ“, რომ 2012 წლის „ქართული ოცნების“ საპარლამენტო სიაში მოხვედრამდე, მეჭიაური „სახლში იჯდა და ლოთაობდა“.

მონიკა დავლიანიძე