პოლიტიკა

შანსი გამოჩნდება, მაგრამ ახლა არა - დონალდ ტრამპი საქართველოს ნატო-ში გაწევრიანებაზე

აშშ-ის პრეზიდენტის, დონალდ ტრამპის განცხადებით, საქართველო ახლა ნატო-ს წევრი არ გახდება. ასე უპასუხა აშშ-ის პრეზიდენტმა ჟურნალისტის შეკითხვას, როდის გაწევრიანდება საქართველო ჩრდილოატლანტიკურ ალიანსში.

„შანსი გამოჩნდება, მაგრამ ახლა არა“, - დასძინა ტრამპმა.

მანამდე ბრიუსელში გამართულ საგანგებო ბრიფინგზე ტრამპს კითხვა დაუსვეს, შეეხება თუ არა საქართველოს საკითხს რუსეთის პრეზიდენტთან, ვლადიმერ პუტინთან შეხვედრაზე.

„საქართველოს წარმომადგენლები იმყოფებოდნენ აქ. მათ ძალიან კარგი შთაბეჭდილება დატოვეს. ჩვენ მოვისმინეთ მათი მდგომარეობის შესახებ. მათ ძალიან კარგი შთაბეჭდილება დატოვეს“, – აღნიშნა ტრამპმა.