პოლიტიკა

შალვა შავგულიძე „ევროპული საქართველოს“ შემოთავაზებას დათანხმდა

„ქართული ოცნების“ ყოფილი დეპუტატი და „თავისუფალი დემოკრატების“ თავმჯდომარე შალვა შავგულიძე დათანხმდა „ევროპული საქართველოს“ შემოთავაზებას, რომელმაც ის საქართველოს მთავარი პროკურორის კანდიდატად დაასახელა.

„უპირველს ყოვლისა, მადლობას ვუხდი ამ პოლიტიკურ ძალას გამოხატული ნდობისათვის და მე ვაცხადებ, რომ არ გავურბივარ ამ პასუხისმგებლობას და თანხმობას ვაცხადებ ამ შემოთავაზებაზე“, -განაცხადა შავგულიძემ ბრიფინგზე.

მისი თქმით, რაკი საზოგაოდების ნაწილმა ნდობა გამოუცხადა, ის ამ გამოწვევას მიიღებს.

„მას შემდეგ, როდესაც , სამწუხაროდ, საქართველოში კვლავ ასე მწვავედ დადგა სამართლიანობის მოთხოვნა, როდესაც საზოგადოებამ უნდობლობა გამოუცხადა ქვეყნის მთავარ პროკურორს, რის შედეგადაც ის გადადგა, თუ საზოგადოება, მისი გარკვეული ნაწილი ჩემ მიმართ გამოხატავს ნდობას, სამართლიანობის აღდგენის, სამართლის დაცვისა და მისი მსახურების საკითხში, მე , რა თქმა უნდა, არ გავექცევბი ამ პასუხისმგებლობას და მივიღებ ამ გამოწვევას“, -თქვა პოლიტიკოსმა.

2 დღის წინ ხორავას ქუჩაზე მოზარდების მკვლელობის საქმის გამო ირაკლი შოთაძემ საქართველოს მთავარი პროკურორის თანამდებობა დატოვა.